შერმადინის “ანდორამ” ჩემპიონატი საშინაო მარცხით გახსნა

ესპანეთის ჩემპიონატი წარუმატებლად დაიწყო გიორგი შერმადინის „მორაბანკ ანდორამ“. ანდორელებმა პირველ ტურში „ბილბაოს“ უმასპინძლეს და 69:79 დამარცხდნენ.
შერმადინი სასტარტო ხუთეულში იყო და მოედანზე 21:37 წუთი გაატარა. საქართველოს ეროვნული ნაკრების ცენტრმა 5-დან 1 ორქულიანი და 2-დან 1 საჯარიმო ჩააგდი, 1 სამიანი კი ააცილა. 3 ქულასთან ერთად შერმადინმა 5 მოხსნა და 3 ჩაჭრა მოაგროვა.
ქართველმა ცენტრმა 1 ჯარიმა მიიღო და 3 ბურთი დაკარგა. ანდორელთა შემადგენლობაში 17 ქულით საუკეთესო დევიდ ნავარო იყო. მომდევნო ტურში, 18 ოქტომბერს, ანდორელები „ტენერიფეს“ ესტუმრებიან“.