სტივ კერი: “ფაჩულიას შემატება ისევე მახარებს, როგორც დურანტის”

Basketusa.com-ზე გამოქვეყნდა „გოლდენ სტეიტ ვორიორზის“ მთავარი მწვრთნელი, სტივ კერის ინტერვიუ, სადაც ის ქართველ ცენტრ ზაზა ფაჩულიაზეც საუბრობს. კერი არ მალავს ზაზას ტრანსფერით მიღებულ სიხარულის განცდას და აცხადებს:
“ზაზა ფაჩულიას დამატება ისევე მახარებს, როგორც დურანტის. ამას სერიოზულად ვამბობ. ზაზასნაირი ცენტრის ყოლა გუნდში აუცილებელია, ჩვენ კი ასეთი არ გვყავდა. გვყავდნენ კალათბურთელები, ვისაც ამ პოზიციაზე თამაში შეეძლო, მაგრამ ზაზას მსგავსი პროფესიონალის პოვნა ძალზედ რთულია. მან ყოველთვის იცის, როგორ უნდა ითამაშოს და ჩვენს სტილს კარგად ერგება”.