ცინცაძემ “პარნუს” არც ერთი არ ააცილა

გიორგი ცინცაძის „როკმა“ დღეს ესტონეთის ჩემპიონატში მორიგი ტურის მატჩი ჩაატარა, რომელიც გასავარჯიშებელი ხასიათის უფრო იყო, რადგან მეტოქე ჰყავდა ძალიან სუსტი . ტარტუელებმა „პარნუს“ უმასპინძლეს და 118:80 დაამარცხეს.
 
„როკის“ მწვრთნელმა გუნდის ლიდერები არ დატვირთა და შედარებით მცირე ხნით გაიყვანა მოედანზე. გიორგი ცინცაძეს 18 სათამაშო წუთი ებოძა, რის განმავლობაშიც ქართველმა გამთამაშებელმა ჩინებული შედეგი აჩვენა. ცინცაძემ 6 სროლიდან ყველა ჩააგდო: 3–დან 3 ორქულიანი და 3–დან 3 საჯარიმო. შესაბამისად, გიორგიმ 9 ქულა დააგროვა, რასაც 4 მოხსნა, 6 პასი და 3 ჩაჭრა მოაყოლა.
 
„როკს“ 8 თამაშიდან 7 გამარჯვება აქვს და ესტონეთის ჩემპიონატში პირველ ადგილზე იმყოფება.
 

გიორგი ცინცაძე მეტოქეთა გარემოცვაში