ცინცაძის 2 ქულა მეორე მატჩში

ფრანგული „დრავლინიდან“ „რუანში“ გადასულმა გიორგი ცინცაძემ ახალ კლუბში მეორე მატჩი გამართა. ქართველმა უკანახაზელმა დებიუტი 13 ქულით აღნიშნა, მორიგ მატჩში კი მხოლოდ 2 ქულას დასჯერდა. რუანელებმა „ნანსის“ უმასპინძლეს და 78:92 დამარცხდნენ.
ცინცაძე სათადარიგო იყო და მოედანზე 9 წუთით გამოჩნდა, რის განმავლობაშიც 2 ქულა, 3 მოხსნა, 2 პასი და 1 ჩაჭრა მოაგროვა. ქართველმა ერთხელ, ისიც ზუსტი ტყორცნით შეუტია ნანსელთა კალათს. რუანელთაგან ერთბაშად 6 მოთამაშე ავიდა 10-ქულიან ზღვრამდე, რომელთაგან საუკეთესო იყო 15 ქულის მომგოვებელი იანიკ მორეირა.
18 ტურის შემდეგ 4 მოგება აქვს და 18-გუნდიან საფრანგეთის ლიგაში ბოლოსწინა ადგილზეა „რუანი“, რომელიც მომდევო ტურში, 6 თებერვალს სტუმრად „ლე ავრს“ შეხვდება.