ცინცაძის 23 ქულა და 9 პასი ლიბანის ჩემპიონატში

23 ქულა, 9 პასი, 6 მოხსმა, 1 ჩაჭრა  – გიორგი ცინცაძემ ლიბანის ჩმპიონატში საუკეთესო მატჩი ჩაატარა, თუმცა ამით საკუთარი გუნდი წაგებას ვერ ააცილა. ქართველი უკანახაზელის „ჩემპვილი“ სტუმრად „ჰომენეტმს“ შეხვდა და 63:73 დამარცხდა.
ცინცაძემ 7-დან 5 სამქულიანი, 5-დან 2 ორიანი და 4-დან 4 საჯარიმო ჩააგდო. ქართველი უკანახაზელის დარად, 23 ქულა დააგროვა ფილიპ ტაბეტმა, მაგრამ საერთო სარგებლიანობის გათვალისწინებით ცინცაძე ჩემპვილელთაგან საუკეთესო იყო.
3 მოგებითა და 8 წაგებით „ჩემპვილი“ 10-გუნდიან უმაღლეს ლიგაში მე-8 ადგილზეა. მომდევნო მატჩს ცინცაძის გუნდი 22 მარტს მე-9 ადგილზე მყოფ „ბეჯეჰთან“ გამართავს.