ცინცაძის “დონეცკს” უკრაინის თასი “ბუდიველნიკმა” დაათმობინა

გიორგი ცინცაძის “დონეცკი” უკრაინის თასის გათამაშების ფინალში დამარცხდა. დონეცკელებმა ტიტული უკრაინის მოქმედ ჩემპიონ კიევის “ბუდიველნიკთან” დათმეს. მატჩი კიევში გაიმართა და მასპინძლებმა “დონეცკი” 96:88 დაამარცხეს.
საქართველოს ნაკრების უკანახაზელმა დონეცკელთა სასტარტო ხუთეულში, 28,39 წუთი ითამაშა. ცინცაძემ 6-დან 2 ორქულიანი, 2-დან 1 საჯარიმო და 1 სამქულიანი ჩააგდო. მთლიანობაში გიორგიმ 8 ქულა, 9 პასი, 4 მოხსნა, 3 ჩაჭრა და 1 დაფარება მიითვალა.
ცინცაძის მარგი ქმედების კოეფიციენტი (20) დონეცკელთა შორის მეორე შედეგი იყო. საუკეთესო კი ბერნარდ კინგი (27) გახდა, რომელმაც 39 წუთში 26 ქულა და 9 მოხსნა დააგროვა.