ცინცაძის სასტარტო ხუთეული და 6 ქულა 30 წუთში

გიორგი ცინცაძემ „რუანში“ სასტარტო ხუთეულში ითამაშა და მოედანზე 30 წუთიც დაჰყო, თუმცა ცუდი ისაა, რომ ეს გუნდი ისევ აგებს და საფრანგეთის უმაღლესი დივიზიონიდან გავარდნის ერთ-ერთი კანდიდატია.
მორიგ ტურში რუანელები სტუმრად „სტრასბურს“ შეხვდნენ და 71:84 წააგეს. ქართველმა უკანახაზელმა 6 ქულა, 2 მოხსნა, 3 პასი და 2 ჩაჭრა მიითვალა. ქართველმა გამთამაშებელმა 2-დან 1 ორქულიანი, 4-დან 1 სამქულიანი და 2-დან 1 საჯარიმო ჩააგდო, ბურთი 2-ჯერ დაკარგა, 1 პერსონალური ფოლი მიიღო, მის წინააღმდეგ კი 5-ჯერ დაჯარიმდნენ.
შემდეგ ტურში რუანელებს მეტოქედ ლიგის ერთ-ერთი ლიდერი „მონაკო“ ეყოლებათ. შეხვედრა 18 მარტს რუანში გაიმართება.