ვეტერანებმა ჩეხეთთან წააგეს და მსოფლიო ჩემპიონატს გამოეთიშნენ

საქართველოს ვეტერანთა ნაკრებმა ამერიკაში მიმდინარე მსოფლიოს ჩემპიონატზე პირველი და საბედისწერო მარცხი განიცადა. ჯგუფური ეტაპის საწყის 2 მატჩში ვენესუელასა და ჩილეს განადგურების შემდეგ ქართველები ჩეხეთს შეხვდნენ და დაძაბულ ბრძოლაში წააგეს.
გათამაშების ფორმატის თანახმად მეოთხედფინალში მხოლოდ ჯგუფის გამარჯვებულები გადიოდნენ და ამ წაგებით საქართველოს ნაკრებმა პლეი ოფში გასვლა ვერ მოახერხა. მატჩი საკმაოდ დაძაბული გამოდგა და მისი ბედი ბოლო წუთებზე, სამწუხაროდ ჩეხების სასარგებლოდ გადაწყდა. სლავმა ვეტერანებმა საბოლოოდ 77:74 გაიმარჯვეს და ჯგუფში პირველი ადგილი დაიკავეს.
საქართველო 2 მოგებითა და 1 მარცით მეორე ადგილზე გავიდა და საპრიზო ადგილებისთვის ბრძოლას გამოეთიშა.