ვიქტორ სანიკიძე, რომელმაც კუნთის დაჭიმულობის გამო იტალიის ჩემპიონატის გასული ტურის მატჩი გამოტოვა, მოედანს დაუბრუნდა. მისი ბოლონიური გუნდი „კანადიან სოლარი“ სათასო მატჩში „კასერტას“ ხვდებოდა და 88:78 მოუგო.
სანიკიძემ ამ მატჩში 18 წუთს ითამაშა და 4 ქულა, 7 მოხსნა და 1 პასი მიითვალა. მან თავისიანთა შორის ყველაზე მეტჯერ მოხსნა ბურთი, რამაც ბოლონიელებს ფარქვეშ თამაში გაუადვილა და საბოლოოდ გამარჯვებამდეც მიიყვანა.
სანიკიძემ 5–ჯერ შეუტია საშუალო დისტანციიდან და 2 ბურთი ჩააგდო, ხოლო 2 საჯარიმო ააცილა და 4 ქულას დასჯერდა.
ეს გახლავთ იტალიის თასის გათამაშების საუკეთესო 8 გუნდის ფინალური ტურნირი, რომელიც იტალიის ქალაქ აველინოში იმართება. ამ მოგებით ბოლონიელები ნახევარფინალში გავიდნენ, სადაც ხვალ მასპინძელი ქალაქის გუნდ „ეარ აველინოს“ შეერკინება.
ვიქტორ სანიკიძე “კასერტას” ამერიკელი
ლეგიონერის, ჯონს ჯუმეინის წინააღმდეგ
