ზაზა ფაჩულიამ და “გოლდენ სტეიტმა” ახალი – ერთწლიანი კონტრაქტი გააფორმეს

ზაზა ფაჩულიამ, რომელიც სეზონის დასრულების შემდეგ თავისუფალი აგენტი გახდა, „გოლდენ სტეიტთან“ ახალი – ერთწლიანი ხელშეკრულება გააფორმა.
კონტრაქტი ფინანსურად ოდნავ გაუმჯობესებულია და უწინდელი 2,9 მილიონის ნაცვლად ქართველი ცენტრი სეზონში 3,5 მილიონს გამოიმუშავებს. ასე რომ, ისტორიაში პირველი ქართველი, რომელმაც ნბა-ს ჩემპიონობა მოიგო, შანსი აქვს, ეს შედეგი მომავალი სეზონის ბოლოს გააოროს. გოლდენსტეიტელებმა შეინარჩუნეს სტეფ კარი, კლეი ტომპსონი, დრეიმონდ გრინი და ალბათ კევინ დიურანტსაც გუნდში დაიტოვებენ.
33 წლის ფაჩულიას მონაგარი საჩემპიონო სეზონში ასეთია – 18,1 წუთი: 6,1 ქულა, 5,9 მოხსნა და 1,9 პასი.