90 გუნდი და 1350 მონაწილე – ჯუნიორ ნბა 2024-ის წილისყრას თბილისი არენამ უმასპინძლა!

ამერიკის ნაციონალური საკალათბურთო ასოციაციის (NBA),  საქართველოში ამერიკის საელჩოსა და კალთბურთის ეროვნული ფედერაციის ერთობლივი ორგანიზებით, საქართველოს კულტურისა და სპორტის სამინისტროს მხარდაჭერით, უკვე მე-8-ედ ტარდება ჯუნიორ ნბა-ს ლიგა, რომელშიც მთელი ქვეყნის მასშტაბით, საკვალიფიკაციო ეტაპის ჩათვლით, 2024 წლის სეზონში 130მდე  გუნდი დარეგისტრირდა. შესაბამისად, ეს გახლავთ ჩვენი ქვეყნის ყველაზე მასშტაბური საკალათბურთო აქტივობა, რომელშიც 2000-ამდე მოზარდი მონაწილეობს. 

შეგახსენებთ რომ წინა წელს, კალათბურთზე მოთხოვნილების გაზრდამ დღის წესრიგში დააყენა ჯუნიორ ნბა-ს ძირითად ტურნირში მონაწილეების გაზრდა. გამომდინარე იქიდან, რომ აღნიშნული ტურნირი ამერიკის ნაციონალური საკალათბურთო ასოციცაციის დუბლირებაა, მონაწილეების ან ფორმატის შეცვლა დაუშვებელია. ამიტომ, აქამდე არსებულ ჯუნიორ ნბა-ს A და B ლიგებს დაემატა C ლიგა. შესაბამისად, ჯუნიორ ნბა-ში მონაწილე გუნდების რაოდენობა 60-დან 90-ამდე გაიზარდა.

შეგახსენებთ, ჯუნიორ ნბა-ს ჩატარების ფორმატს. ლიგის თითოეული გუნდი ნაციონალური საკალათბურთო ასოციაციის თითო გუნდს წარმოადგენს. სწორედ გუნდებისთვის ნბა-ს გუნდების სახელების მინიჭებისთვის ჯუნიორ ნბა-ს წილისყრა, ეგრეთწოდებული დრაფტი გაიმართა, A ლიგის თამაშები დივიზიონების მიხედვით თბილისში, რუსთავში, გორში, გურჯაანში, ქუთაისსა და  ბათუმში ჩატარდება,  B ლიგისა და C თამაშებს კი მთლიანად  დედაქალაქი უმასპინძლებს.

საქართველოში ყველაზე მასშტაბური ბავშვთა საკალათბურთო პროექტი – ჯუნიორ ნბა, გოგონათა და ვაჟთათვის კალათბურთის ლიგის გლობალური ახალგაზრდული პროგრამაა, რომელიც ხელს უწყობს ჯანსაღი ცხოვრების წესის დამკვიდრებას, კალათბურთის პოპულარიზაციას და  პერსპექტიული ახალგაზრდების აღმოჩენას.  ჯუნიორ ნბა-ს ლიგა მომავალ კალათბურთელებს, მწვრთნელებსა და მშობლებს შესაძლებლობას აძლევს გაიღრმავონ საკალათბურთო ცოდნა და გაიზიარონ კალათბურთის თამაშის მინიჭებული სიხარული. 

გულშემატკივრებს  შეუძლიათ ჯუნიორ ნბა-ს ლიგის მსვლელობას და სიახლეებს  თვალ-ყური ჩვენს საიტზე და პროქტის ოფიციალურ აპლიკაციაზე,  OWQLO მიადევნონ.  OWQLO-ს აპლიკაციის გადმოწერა  შეგიძლიათ Google Play-დან ან App Store-დან.  

წლევანდელი სეზონის ჯუნიორ ნბა-ს წილისყრა თბილისი არენაზე გაიმართა, სადაც ჯუნიორ ნბა-ში მონაწლე გუნდებს NBA-ს კლუბების სახელები მიენიჭათ და A, B და C ლიგების მონაწილე 1350-ივე კალათბურთელს NBA-გან  სათამაშო ფორმები საჩუქრად გადაეცათ.  

ჯუნიორ ნბა-ს წილისყრას  მონაწილე გუნდების მწვრთნელები და კაპიტნები, კალათბურთის ეროვნული ფედერაციის წარმომადგენლები, გენერალური მდივანი ლაშა გამყრელიძე, გამგეობის თავმჯდომარე პაატა გურასპაული, სპორტის სამინისტროს წარმომადგელი გიორგი კერესელიძე და სხვა მოწვეული სტუმრები დაესწრნენ.

ჯუნიორ ნბა-ს წლეულს ახალი მეგობარი, English Book Education გამოუჩნდა. English Book Education-ი პროექტ ‘წიგნის კლუბის’ მეშვეობით განახორციელებს ინგლისური ენის ცოდნის დონის გაღრმავებას, ხოლო ფედერაცია უზრუნველყოფს პროექტის შესახებ ინფორმაციის გავრცელებას ფედერაციაში შემავალ ორგანიზაცებსა და წევრებს შორის

პროექტის ფორმატის გათვალისწინებით მონაწილე სამივე ლიგაში მონაწილე გუნდები 6-6 დივიზიონში განაწილდენენ. გთავაზობთ კენჭისყრის შედეგად დაკომპლექტებული A, B, C ლიგების მიმდინარე სეზონის ჯგუფებს. 

ფოტოგალერეა