ვართანოვი პანათინაიკოსის, თვაური კი გალათასარაის მატჩს მოემსახურება

მოახლოვდა ფიბა-ს საერთაშორისო ტურნირების მორიგი მატჩები და ქართველ არბიტრებს მორიგი გასვლები უწევთ. ამჯერად საქმეში 2 მსაჯი იქნება ჩართული – მიხეილ ვართანოვი და კირილე თვაური, რომლებიც ამ ჯერზე ქალთა ტურნირირებს მოემსახურებიან.

თვაური თურქეთში, 22 ნოემბერს, ქალთა ევროპის თასის მატჩს იმსაჯებს, რომელშიც “გალათასარაი” ფრანგულ “ანჟერს” უმასპინძლებს. გიორგობა დღეს, 23 ნოემბერს, საბერძნეთის დედაქალაქ ათენში “პანათინაიკოსი” სლოვაკურ “სლავიას” უმასპინძლებს. ამ შეხვედრის ერთ-ერთი არბიტრი მიხეილ ვართანოვი იქნება.