VIDEO EUROBASKET 2015 Trophy Tour-ის ფარგლებში საქართველოში პირველად
ევროპის ჩემპიონის თასი და ევრობასკეტის სიმბოლო ფრენკი ჩამოვიდნენ. ევრობასკეტის
თასის თბილისური ტურის ფარგლებში საჩემპიონო თასი 17 ივლისს გამოიფინა დედაქალაქის
ღირშესანიშნავ ადგილებში, (მეტეხი, აბანოთუბანი, მშვიდობის ხიდი, გმირთა მოედანი,
წმინდა სამების საკათედრო ტაძრის მიმდებარე ტერიტორია…), ქართული სპორტისა და
ხელოვნების მუზეუმებში. 18 ივლისს კი თასი „თბილისი მოლში“ გამოიფინა, სადაც 3X3
კალათბურთში საქართველოს ეროვნული ჩემპიონატის ფინალური ეტაპი ჩატარდა. .
ევროპის საჩემპიონო თასი გარდამავალია. იგი 23 სანტიმეტრი
სიმაღლისაა, იწონის 18 კილოგრამს და შეიცავს მრავალ ძვირფას ლითონსა თუ ქვას. თასი
მოოქროვილია და გარშემო 24 ძვირფასი თვალი აკრავს. მათ შორის აგატი, ამეთვისტო,
ყვითელ კვარციტი, გრანიტი, მალაქიტი. მისი ავტორია ცნობილი გერმანელი ოქრომჭედელი
გიუნტერ შიობელი.
გთავაზობთ FIBA-ს მიერ მომზადებულ ვიდეოკლიპს, რომელიც
ევრობასკეტის თასის თბილისურ ტურს ასახავს.
#Eurobasket2015TrophyTourTbilisi
