სუპერლიგის
მე-2 წრის მე-4 ტური გუშინ ქუთაისსა და რუსთავში დაიწყო. დარჩენილი ორი შეხვედრა დღეს
თბილისის სპორტის სასახლეში გაიმართება. დღის ცენტრალურ შეხვედრაში ერთმანეთს ,,ოლიმპისა’’
და ,,შსს აკადემიის’’ გუნდები დაუპირისპირდებიან. გაგაცნობთ გუნდების მთავარი მწვრთნელების
მიერ წინასამატჩო პრესკონფერენციაზე გაკეთებულ კომენტარებს.
დავით თორთლაძე(,,ოლიმპის’’ მთავარი
მწვრთნელი): საკმაოდ კარგ გუნდს ვეთამაშებით, პირველ წრეში არც
ერთი ძლიერი გუნდისთვის არ მოგვიგვია, თუმცა ახლა რიჩარდ მათიაშვილიც დაგვემატა და
დღეს უკვე მოგებაზე ვართ ორიენტირებული. გარკვეული პრობლემები გვაქვს, პერიმეტრის მოთამაშეები
გვაკლია ავადმყოფობის გამო. ვფიქრობ, ,,შსს აკადემიას’’ დღეს მეტი შანსი აქვს, თუმცა
ჩვენ მაქსიმალურად ვეცდებით წარმატებას მივაღწიოთ.
არჩილ ჟღენტი(,,შსს აკადემიის’’ მთავარი
მწვრთნელი): საინტერესო და რთული თამაში იქნება. ,,ოლიმპი’’ წინა
წრესთან შედარებით აშკარად გაძლიერდა, მათიაშვილი და ჩიტაშვილი დაიმატეს, ჩვენც გავძლიერდით,
თუმცა დღეს ფეხის ტრავმის გამო მილე ილიჩი არ გვეყოლება. დარწმუნებული ვარ, მაყურებელი
საინტერესო მატჩს იხილავს.
