,,შსს აკადემია’’ – ,,ბათუმი’’ წინასამატჩო პრესკონფერენცია

სუპერლიგის
პირველი წრე დღეს თბილისის სპორტის სასახლეში დასრულდება. დღის პირველ შეხვედრაში ერთმანეთს
,,შსს აკადემია’’ და ,,ბათუმი’’ დაუპირისპირდებიან. თამაშის დაწყებამდე გუნდების მწვრთნელებმა
წინასამატჩო პრესკონფერენციაზე ისაუბრეს.

არჩილ ჟღენტი(,,შსს აკადემიის’’ მთავარი
მწვრთნელი): სატუნირტო ცხრილს თუ გადავავლებთ თვალს, ვნახავთ, რომ
ბათუმის გუნდი მოწინავე რიგებშია. მათ ჰყავთ ძალიან ძლიერი 3 ლეგიონერი და საკმაოდ
კარგად ასპარეზობენ, ამიტომ ვთვლი, რომ დღეს ფავორიტი ბათუმია. თუმცა ჩვენ ბოლომდე
ვიბრძოლებთ, შევეცდებით კარგი კალათბურთი ვაჩვენოთ მაყურებელს და გამარჯვებაც მოვიპოვოთ.

ლაშა ოჩხიკიძე(,,ბათუმის’’ მწვრთნელი):
,,შსს აკადემია’’ ახალგაზრდული და მებრძოლი გუნდია,
ახალი მთავარი მწვრთნელი ჰყავთ და საკმაოდ მოტივირებულები უნდა იყვნენ. ვფიქრობ, კარგი
თამაში გამოვა, გამარჯვებას ვგეგმავთ, თუმცა ეს იოლი არ იქნება.