სუპერლიგა განახლდა. ეროვნული ჩემპიონატის მეორე წრე გუშინ რეგიონებში დაიწყო, დღეს კი ტურის ცენტრალურ შეხვედრას ,,შსს აკადემიასა” და ,,მგზავრები-არმიას” შორის თბილისის სპორტის სასახლე მასპინძლობს.
გაგაცნობთ მატჩის დაწყებამდე გუნდების მთავარი მწვრთნელების მიერ გაკეთებულ კომენტარებს.
კოტე ტუღუში(,,შსს აკადემიის” მთავარი მწვრთნელი): მეორე წრე დავიწყეთ. ქორქია-საკანდელიძის მემორიალმაც და გუშინდელმა შეხვედრებმაც დაგვანახა, რომ გუნდები გათანაბარდნენ, ყველა გუნდი გაძლიერდა, დაიმატეს ლეგიონრები, ასე რომ, ძალიან საინტერესო მეორე წრე გველის. ყველა თამაშს და ყველა ქულას დიდი მნიშვნელობა აქვს. დღევანდელ თამაშსაც სრული პასუხისმგებლობით ვეკიდებით. ,,მგზავრები” შეიძლება აუტსაიდერად ითვლება, თუმცა ამ გუნდმა დაამტკიცა, რომ ყველა მეტოქესთან თანაბრად თამაში შეუძლია.
ანატოლი ბერიშვილი(,,მგზავრები-არმიის” მთავარი მწვრთნელი): 1 კვირაა, ფაქტობრივად, 5-5-ზე არ გვითამაშია. ძალიან ბევრი დანაკლისი გვაქვს – ბაბუნაშვილი ,,დინამოში” გადავიდა, ჩაჩიბაია და იოსელიანი გვაკლია, ათანელიშვილსაც წელი აწუხებს. ამის მიუხედავად, მაქსიმალურად ვეცდებით ვიბრძოლოთ და გამარჯვებამდე მივიდეთ, როგორ გამოვა, ამას თამაში გვაჩვენებს.
