საქართველოს U15 წლამდელთა ნაკრებმა წაუგებელი სვლა ლატვიურ DSN-თან მარცხით დაასრულა

3 მოგების შემდეგ, ევროპის ლიგის მესამე წრეში პირველი მარცხი განიცადა საქართველოს 15-წლამდელთა ნაკრებმა. ალექსი ჯაფარიძისა და დიმიტრი ჯაკობოვის გაწვრთნილმა გუნდმა პრინციპულ მეტოქესთან დასანანი მარცხი იწვნია. ლატვიურ DSN-ს საერთო ჩათვლაში საქართველოს ნაკრების დარად 8 მოგება და 5 მარცხი ჰქონდა და ამ მატჩის მოგება ორივე ნაკრებს დიდ ბიძგს მისცემდა ოთხთა ფინალში გასასვლელ გზაზე. 

სწორედ ამ პრინციპულ მატჩში იწვნიეს მარცხი მანამდე 3 მატჩის იოლად მომგებმა ქართველებმა. ჩვენმა გუნდმა პირველი ნახევარი 20:18 მოიგო, თუმცა მესამე პერიოდში ჩავარდნა ჰქონდა – 7:17 წააგო და ვითარება ბოლო მეოთხედში ვეღარ გამოასწორა. საბოლოოდ მატჩი ლატვიელთა გამარჯვებით – 48:41 დასრულდა. 

საქართველოს ნაკრებში 10-10 ქულით საუკეთესონი იყვნენ ლუკა ხუციშვილი და გუჯა ხვედელიძე. ამ უკანასკნელმა 14 მოხსნაც მიითვალა და საბოლოოდ ორმაგი დუბლი გაიფორმა. 8 ქულით და 7 მოხსნით გამოირჩა შაკო ჭეიშვილი.

საქართველოს ნაკრები მესამე წრის ბოლო, მე-5 მატჩს 18 მარტს დილის საათებში ნორვეგიულ “ოსლოსთან” გამართავს და თბილისში გამოემგზავრება. ამ წაგების შემდეგ, ოთხთა ფინალში გასვლის პერსპექტივა ჩვენი ნაკრებისთვის ბუნდოვანი გახდა (იხილეთ სატურნირო მდგომარეობა).

DSN (ლატვია) – საქართველო U15
სტატისტიკა: 48:41

#	Team	G	W	L	P	PTS/OPTS	+/-	PPG/OPPG
1.	C3 – TTU BS	14	14	0	28	874/638	236	62.4/45.6
2.	A1 – DSN/SPORTA BODE	14	9	5	23	760/676	84	54.3/48.3
3.	A3 – BS Jugla	14	9	5	23	724/699	25	51.7/49.9
4.	C4 – BA Tallinn Kalev	14	9	5	23	670/655	15	47.9/46.8
5.	C1 – Georgia 2003	14	8	6	22	678/578	100	48.4/41.3
6.	D4 – Ukraine 2003	10	8	2	18	730/408	322	73.0/40.8
7.	D3 – BS Riga	10	8	2	18	665/512	153	66.5/51.2
8.	D1 – Pomerania	10	7	3	17	566/500	66	56.6/50.0
9.	C2 – Oslo 2003	14	3	11	17	612/742	-130	43.7/53.0
10.	B4 – BC Barsy	10	5	5	15	493/442	51	49.3/44.2
11.	B3 – SDJSOR Nr.12 – Volgograd	10	5	5	15	496/467	29	49.6/46.7
12.	A4 – A.Kraukla/VEF	14	1	13	15	489/845	-356	34.9/60.4
13.	B2 – BC Dynamo	10	4	6	14	384/435	-51	38.4/43.5
14.	B1 – BC Chekhovskyi Yastrebi	10	4	6	14	473/578	-105	47.3/57.8
15.	A2 – ROSA Piotrowka Radom	14	0	14	14	495/800	-305	35.4/57.1
16.	D2 – BC Tsmoki-Minsk	10	2	8	12	424/558	-134	42.4/55.8