საქართველოს 16 წლამდე გოგონათა ნაკრები ევროპის ჩემპიონატისთვის ემზადება. გიორგი გოლიაძისა და მაია ჩარგეიშვილის გაწვრთნილი გუნდი ოფიციალური ტურნირის დაწყებამდე ლატვიაში მოემზადება, სადაც 4-დღიან შეკრებას გაივლის და 6 ივლისს კოსოვოში ჩავა, სადაც ქალაქ პეჟაში ევროპის C დივიზიონის ჩემპიონატი გაიმართება.
კოსოვოში გასამართ ტურნირში ევროპის 8 ქვეყანა მიიღებს მონაწილეობას. საქართველო A ჯგუფში მოხვდა, სადაც მეტოქეებად სომხეთი, გიბრალტარი და კვიპროსი ეყოლება. მეორე ჯგუფში თავი მასპინძელმა კოსოვომ, მოლდოვამ, მალტამ და ალბანეთმა მოიყარეს.
თამაშები 8 ივლისს დაიწყება და ტრადიციულად, ჯგუფიდან 2 საუკეთესო გავა, რომლებიც ნახევარფინალში ჯვარედინი სისტემით დაწყვილდებიან. საქართველო კოსოვოში შემდეგი 12 კალათბურთელით ჩავა:
ელენე კალანდარიშვილი, თამარ ზავრადაშვილი, ლიზი ჯაბუა, მარიამ კეკელია, ნინი ივანიძე, ელენე ბოხუა, ბაია ზურაბიშვილი, მარიამ ყაველაშვილი, ანა მესტუმრიშვილი, ლინა უგრეხელიძე, ეკატერინე ქართველიშვილი, ანასტასია აბულაძე.
