საიტზე მიმდინარეობს ტექნიკური სამუშაოები

16-წლამდელთა ჩემპიონატის ფინალში დინამო და ზაზა-1 შეხვდებიან

16-წლამდელთა ჩემპიონატის ფინალში დინამო და ზაზა-1 შეხვდებიან

საქართველოს 16-წლამდელთა ჩემპიონატისფინალში ერთმანეთს “დინამო თბილისი” და ზაზა ფაჩულიას აკადემიის პირველი გუნდი შეხვდებიან. სწორედ ამ გუნდებმა დაიკავეს რეგულარულ ჩემპიონატში 1-2 ადგილები. ორივე გუნდს თანაბარი ქულები და თანაბარი ურთიერთშეხვედრები ჰქონდა. პირველობა დინამოელებს საერთო ბურთების შეფარდებით მიენიჭათ. თუმცა ამას ფორმალური მნიშვნელობა ჰქონდა. ფინალში მოედნის უპირატესობა “დინამოს” მხარესაა, თუმცა ორივე გუნდი ერთ დარბაზში – თბილისის ოლიმპიურ სასახლეში თამაშობს.

ფინალური სერია 2 მატჩისგან შედგება. გამარჯვებული ამ ორი მატჩის ჯამში ნაჩვენები შედეგით გამოვლინდება. თუკი გუნდებმა თითო მატჩი მოიგეს, ჩემპიონი ამ 2 მატჩის ჯამში ბურთების უკეთესი შეფარდების მქონე გუნდი გახდება. ფინალური სერიის პირველი მატჩი 26 ივნისს, 17:15 საათზე გაიმართება, ხოლო მეორე – 28 მაისს, 17:30 საათზე