გრძელდება 16-წლამდელთა პლეიოფები. ნახევარფინალური შეხვედრები დაძაბულად და საინტერესოდ მიმდინარეობს.
ფინალური საგზურისთვის შსს აკადემია-რუსთავისა და აკადემია -მართვე 2-ის წყვილები იბრძვიან. შსს აკადემიასა და რუსთავს შორის სერიაში ანგარიში თანაბარია – 1:1, ხოლო აკადემიასა და მართვე 2-ის წყვილში წინ მართვე 2-ია – 1:0.
მიმდინარე ჩემპიონატზე მართვე 2-ის კალათბურთელებს, ნოდარ სანაიასა და დავით ლომიძეს გავესაუბრეთ, რომლებიც აგრეთვე 16-წლამდელთა ნაკრების კანდიდატები არია.
როგორ
შეაფასებდით 16-წლამდელთა ჩემპიონატის 2012-2013 წლების სეზონს?
დათო: წელს ბევრი
გუნდი ასპარეზობდა, თუმცა მათი უმეტესობა არ იყო ძლიერი, ამიტომ ჯგუფური ეტაპები ნაკლებად
საინტერესო გამოვიდა.
ნოდარი: ვეთანხმები
დათოს, ჯგუფური ეტაპი არ იყო დაძაბული, თუმცა პლეი ოფებში სულ სხვა სიტუაციაა.
– რას
იტყვით ნახევარფინალურ სერიასა და თქვენს შანსებზე?
დათო: ჩვენი მეტოქე
გუნდის შემადგენლობაში 98-წლიანი ბავშვებიც არიან. ყველაფერი ჩვენზეა დამოკიდებული,
იმაზე, თუ როგორ შევასრულებთ მწვრთნელის მითითებებს. დიდი შანსები გვაქვს და იმედია
სერიას 2:0 დავამთავრებთ.
ნოდარი: შევეცდებით მაქსიმალურად გამოვასწოროთ პირველ თამაშში
დაშვებული შეცდომები და სერია 2:0 მოვიგოთ.
– ვის
მიიჩნევთ ჩემპიონატის მთავარ ფავორიტად?
დათო: ,,შსს აკადემიას’’გამოვარჩევდი, ნაკრების 7 წევრი ჰყავთ
და ძლიერი, შეთამაშებული გუნდია.
ნოდარი: შსს ფავორიტია,
თუმცა ვფიქობ, ჩვენც გვაქვს შანსები.
– სეზონის
განმავლობაში ჩატარებულ რომელ თამაშებს გამოარჩევდით? რომელი იყო ყველაზე საინტერესო
და დაძაბული?
დათო: გავიხსენებდი
,,ქუთაისთან’’, ,,აკადემიასა’’ და ,,კარდინალთან’’ შეხვედრებს. ამ სამ გუნდთან შედარებით
გაგვიჭირდა თამაში.
ნოდარი: ჩემი აზრით,
ყველაზე საინტერესო ,,შსს აკადემიასთან’’,
,,რუსთავთან’’ და ,,აკადემიასთან’’ დაპირისპირება იყო.
–
რამდენი
წელია კალათბურთს თამაშობთ და ვისთან დაიწყეთ ვარჯიში?
დათო: ხათუნა გაბედავასთან ვვარჯიშობ უკვე 6 წელია.
ნოდარი: მეც ხათუნა გაბედავასთან დავიწყე ვარჯიში 3-4 წლის წინ.
–
რომელია
თქვენთვის ყველაზე დასამახსოვრებელი და ემოციური გამარჯვება?
დათო: ზურაბ საკანდელიძის თასის გათამაშებაზე ,,კარდინალს’’ შევხვდით, ძალიან
ძლიერი გუნდი იყო და მათთვის არავის ჰქონდა მოგებული. მახსოვს, თამაშზე სიცხიანი მივედი.
ყველამ მოვინდომეთ, საკმაოდ კარგად ვითამაშეთ
და 7 ქულით მოვიგეთ.
ნოდარ: მეც ამ გამარჯვებას გამოვარჩევდი, რადგან ჩემთვის ეს
იყო პირველი ტურნირი, რომელიც მოვიგეთ.
– დაგვისახელეთ
თქვენი საყვარელი გუნდი და კალათბურთელი.
დათო: ,,ოკლაჰომას’’ გულშემატკივარი ვარ, კევინ დურანტი ძალიან
მიყვარს.
ნოდარი: ამჟამად ,,ჩიკაგოს’’ ვგულშემატკივრობ, ისე კი ,,ბოსტონის’’
ფანი ვარ. საყვარელი კალათბურთელი კობი ბრაიანტია.
– რა
გეგმები გაქვთ კალათბურთელის კარიერის გარდა? აპირებთ თუ არა სწავლის გაგრძელებას?
დათო: მომავალ წელს ამერიკაში ვაპირებ წასვლას და იქ თამაშთან
ერთად სწავლასაც გავაგრძელებ.
ნოდარი: სწავლას დიდ ყურადღებას ვუთმობ. მათემატიკურ სკოლაში
ვსწავლობ და ვაპირებ კალათბურთის თამაშს სწავლა მომავალშიც შევუთავსო.
– რას
იტყვით საქართველოს ეროვნულ ნაკრებზე, რომელიც 2013 წლის ევროპის ჩემპიონატზე იასპარეზებს?
დათო: ევროპის ჩემპიონატზე კაპიტნის არყოფნა დიდი დანაკლისია,
თუმცა შანსები მაინც გვაქვს. დარწმუნებული ვარ, ჩვენი ბიჭები მაქსიმუმს გააკეთებენ.
ნოდარი: მიუხედავად ზაზა ფაჩულიას ტრავმისა, ჩემი აზრით, რეალური
შანსები გვაქვს ჯგუფური ეტაპის დაძლევისა.
–
როგორც
ახალგაზრდა კალათბურთელები, რის გამოსწორებას ისურვებდით ჩემპიონატში ყველაზე მეტად?
ნოდარი: ჩემპიონატით კმაყოფილები ვართ, თუმცა, ვფიქრობ, მსაჯები
ხანდახან შეცდომებს უშვებენ და ეს გამოსასწორებელია.
–
ორივე
16-წლამდელთა ნაკრების კანდიდატები ხართ, რას იტყვით თქვენი ასაკობრივი ნაკრების შესახებ?
დათო: ჯერჯერობით შესარჩევი ვარჯიშები გვაქვს, 30-მდე კანდიდატი
ვვარჯიშობთ და მწვრთნელები შემდეგ საუკეთესოებს აარჩევენ. რაც შეეხება ევროპის ჩემპიონატის
,,ბ” დივიზიონში ასპარეზობას, ვფიქრობ, ჯგუფური ეტაპის გადალახვა ნამდვილად შეგვიძლია.
ნოდარი: ამ ასაკში
ბევრი კარგი მოთამაშე გვყავს და ზაფხულში წარმატების იმედი გვაქვს.
