3X3 კალათბურთში საქართველოს ჩემპიონატის ფინალის ჯგუფები ცნობილია

13 ივლისს ”Tbilisi Mall”-ში გასამართი საქართველოს 3X3 ჩემპიონატის ფინალის ჯგუფები ცნობილია. 16 საუკეთესო გუნდი 4 ქვეჯგუფში გადანაწილდა. გუნდები ჯერ ჯგუფური სისტემით ითამაშებენ, ამის შემდეგ კი პლეი ოფში თითო ქვეჯგუფიდან 2-2 საუკეთესო გუნდი გავა. ისინი ჩემპიონობისთვის ბრძოლას მეოთხედფინალიდან გააგრძელებენ.  
თამაშები კვირას 13:00 საათიდან დაიწყება, ფინალური მატჩი კი 20:00 საათზე გაიმართება.