18-წლამდელთა
ჩემპიონატის ნახევარფინალური სერიის მე-5, გადამწყვეტი მატჩი, რომელიც 6 მაისს „შსს-აკადემიასა“
და „აკადემიას“ შორის ჩატარდა, ჩხუბის გამო ბოლო მეოთხედში შეწყდა. მატჩის დასრულებამდე
4:15 წუთით ადრე, როცა „აკადემია“ შსს-ს 55:45 ამარცხებდა, ერთ-ერთ სათამაშო ეპიზოდს
მოთამაშეებს შორის შეკამათება და მოგვიანებით ჩხუბი მოჰყვა. გუნდური ჩხუბის შემდეგ
მსაჯებმა მატჩი შეწყვიტეს.
აღნიშნული ინციდენტის
შესახებ დღეს, 8 მაისს, კალათბურთის ფედერაციის ოფისში სადისციპლინო კომიტეტის სხდომა
გაიმართა. დისციპლინარებმა ნახეს მომხდარის ამსახველი ვიდეომასალა, შეხვდნენ ინციდენტში
მონაწილე ადამიანებს და შემდეგი სანქციები დააწესეს:
– გუნდს, რომლის
მოთამაშის მიერ ( №7 ლ. გოგალაძე) იყო პროვოცირებული მასიური ჩხუბი სათამაშო
მოედანზე, „შსს-აკადემიას“ (U-18) ჩაეთვალა წაგება ანგარიშით 45:55.
– „შსს-აკადემიის“
მოთამაშე №7 – ლევან გოგალაძე დისკვალიფიცირებულია ერთი (1) წლით,
2015 წლის 6 მაისამდე.
– „შსს-აკადემიის“
მოთამაშე №50 – ლევან ბაბილოძე და „აკადემიის“ მოთამაშე №13
– საბა აკობია დისკვალიფიცირებულნი არიან ორი (2) თამაშით თითოეული.
– „შსს-აკადემიის“
20-წლამდელთა გუნდის (U-20)
მოთამაშეები – შოთ გელაზონია და ლევან ლოლიშვილი დისკვალიფიცირებულნი არიან 2015 წლის
31 იანვრამდე.
– გუნდ „აკადემიის“
მწვრთნელი, გელა წულაძე დისკვალიფიცირებულია ხუთი (5) თამაშით.