20-წლამდელთა
ჩემპიონატის მორიგი შეხვედრები დღეს საკალათბურთო აკადემიაში გაიმართა. პირველი შეხვედრა
ჰიუნდაისა და დინამოს შორის გაიმართა. თამაში დინამოელთა უპირატესობით დაიწყო და ამბროსი ორმოცაძის
დარიგებულმა გუნდმა
პირველი ტაიმი 50:38 მოიგო. მესამე პერიოდში ჰიუნდაი გააქტიურდა, თუმცა მეოთხედის ანგარიშში
სხვაობა მაინც დინამოს სასარგებლოდ დაფიქსირდა-19:18. მიუხედავად იმისა, რომ ბოლო მეოთხედში
ნიკოლოზ ჩერქეზიშვილის კალათბურთელებმა 20:13 იმარჯვეს, საბოლოო მოგება 82:76 დინამომ იზეიმა. ამ ეტაპზე სატურნირო ცხრილში
დინამო მე-4 ადგილზე დამკვიდრდა 12 ქულით, ჰიუნდაი კი მეხუთეზეა 11 ქულით.
გამორჩეული მოთამაშეები:
ჰიუნდაი-
კახა გიორგაძე 22 ქულა, 6 მოხსნა.
დინამო-
ბექა ღუდუშაური 20 ქულა, 4 მოხსნა; შოთა გელაზონია 16 ქულა, 11 მოხნსა; გიორგი ორმოცაძე
12 ქულა, 11 მოხსნა.
საინტერესოდ
წარიმართა აკადემიაში ჩატარებული მეორე შეხვედრა, სოხუმისა და ოლიმპის დაპირისპირება 75:61 დასრულდა სოხუმის სასარგებლოდ. ლიკა ქაჯაიას გუნდი თამაშის განმავლობაში
დომინირებდა და ყველა პერიოდი მოუგო მეტოქეს. შეხვედრის პირველი ნახევარი 35:27 დააფიქსირა
თავის სასარგებლოდ და მიუხედავად იმისა, რომ
ოლიმპმა ძალები არ დაზოგა, სოხუმმა პრინციპული გამარჯვება იზეიმა.
გამორჩეული მოთამაშეები:
სოხუმი- ოთო ბულიავა 28
ქულა; ლერი კვანტალიანი 26 ქულა,15 მოხსნა.
ოლიმპი- ბექა
ნადირაძე 13 ქულა, 9 მოხსნა.
