რუსთაველები “სამედიცინოს” გაუთანაბრდნენ

დღეს რუსთავში ერთი მატჩი გაიმართა. „ენერჯი–ინვესტმა“ „მაკაბის“ 93:65
მოუგო და ლიდერ „სამედიცინოს“ ცხრილის სათავეში გაუთანაბრდა. ეს ორი გუნდი
დანარჩენებზე გაცილებით მაღლა არიან და ალბათ 1–2 ადგილებსაც გაინაწილებენ.

შეხვედრა ვერ გამოდგა საინტერესო. რუსთაველებმა თავიდანვე დიდი
უპირატესობა მოიპოვეს – საწყისი მეოთხედი 30:11 მოიგეს და შემდეგ უკვე დამშვიდებით
მივიდნენ გამარჯვებამდე. მასპინძლები გუნდურად თამაშობდნენ – ერთბაშად ხუთმა
რუსთაველმა გადააბიჯა ათქულიან ზღვარს, რომელთაგან ყველაზე მეტი (17) რევაზ
ჩაჩნიძეს დაუგროვდა. რაც შეეხება მაკაბელებს, მათგან ძმები – რევაზ და გიორგი
რევაზაშვილები გამოირჩეოდნენ. მხოლოდ ეს 2 მოთამაშე ასცდა ათქულიან ზღვარს:
რევაზმა 17 მოაგროვა, გიორგიმ კი – 34.