15-წლამდელთა ნაკრებმა ლატვიური ტურნირი მე-3 ადგილზე დაასრულა

საქართველოს 15-წლამდელთა ნაკრებმა ვალმეირას საერთაშორისო ტურნირზე ასპარეზობა მე-3 ადგილზე დაასრულა. ირაკლი ტომარაძისა და თემურ კანკიას გაწვრთნილ გუნდს სულ მცირედი დააკლდა, პირველ ადგილზე გასულიყო. ტურნირის დასკვნით მატჩში ქართველები მასპინძელი ვალმეირას ძირითად გუნდს ხვდებოდნენ და რომ მოეგოთ, დიდი ალბათობით პირველ ადგილზე გადიოდნენ.
შეხვედრა თანაბარი და მეტად დაძაბული გამოდგა. ქართველები გამარჯვების შანსს ბოლო წუთებამდე ინარჩუნებდნენ და იზნამდეც ახლოს იყვნენ, თუმცა მასპინძლებმა დასკვნითი წუთები უფრო მეტი მობილიზებით ჩაატარეს და გამარჯვებაც მათ დარჩათ – 65:58.
წაგების შემდეგ პირველობის მაძიებელი ქართველები მესამე ადგილზე დაეშვნენ და ტურნირიც აღნიშნულ პოზიციაზე დაასრულეს. მთლიანობაში, ვალმეირაში გამართული 5 მატჩიდან ქართველებმა 3 მოიგეს.