2-ოვერტაიმიან მატჩში ნიკა მეტრეველმა 5 წუთი ითამაშა

ხანგრძლივი ტრავმის შემდეგ ნელ-ნელა მოედანს უბრუნდება საქართველოს ნაკრების წევრი ნიკა მეტრეველი, რომელიც იტალიის უმაღლეს ლიგაში „რეჯია კაზერტას“ ღირსებას იცავს. მე-9 ტურის მატჩში ქართველი ფორვარდი მოედანზე 5 წუთით გამოჩნდა, მისმა გუნდმა კი დრამატულ, 2 ოვერტაიმიან ბრძოლაში „ვენეციასთან“ 92:98 წააგო.
მეტრეველს მეტოქის ფარისთვის არ შეუტევია და შეხვედრა 2 მოხსნით დაასრულა. ნიკამ 2 ჯარიმის მიღება მოასწრო. კაზერტელთაგან 38 ქულლით თავი გამოიჩინა ედგარ სოსამ, მაგრამ თავისი გუნდი მარცხისგან ვერ იხსნა.
6 მოგებითა და 3 მარცხით მეტრეველის გუნდი სერია „ა“-ში მე-5 ადგილზეა. შემდეგ შეხვედრას კაზერტელები 3 დეკემბერს, შინ „ბრეშასთან“ გამართავენ.