მამუკელაშვილის “სეტონ ჰოლს” წაგებები დასჩემდა

სანდრო მამუკელაშვილის “სეტონ ჰოლს” ჩავარდნა აქვს. გუნდი, რომელიც ამერიკის სტუდენტური ლიგის ყველა გამოკითხვის ოცეულში იყო და “ბიგ ისთის” კონფერენციას ლიდერობდა, ბოლო 6 მატჩიდან 4 წააგო და დაბლა დაეშვა. “მეკობრეები” აღaრც გამოკითხვის ლიდერთა შორის ფიგურირებენ და კონფერენციის ცხრილშიც მე-6 ადგილზე დაქვეითდნენ.

მორიგი მატჩი სეტონჰოლელმა “მეკობრეებმა” შინ, “მარკეტთან” 85:88 წააგეს. სხვათა შორის, პირველი წრის შეხვედრა მამუკელაშვილის გუნდმა მარკეტელებთან 20 ქულით დათმო. გასულ შეხვედრაში ქართველი ფორვარდი მოედანზე 2 წუთით გამოჩნდა და 1 მოხსნის მოპოვება მოასწრო. 

“სეტონ ჰოლს” 6 მოგების წილ 5 მარცხი აქვს და 10-გუნდიანი “ბიგ ისთის” კონფერენციაში მე-6 ადგილზეა. მომდევნო მატჩს “მეკობრეები” 11 თებერვალს, სტუმრად, “ჯორჯთაუნთან” ჩაატარებენ.