3×3 კალათბურთის საშემოდგომო სერიის მე-2 ტურნირი ვერის ბაღის დარბაზში გაიმართა. ეს გახლდათ 3x3FALL2024-ის მე-2 და წლის ბოლოსწინა ტურნირი, რომელიც +18 ასაკობრივი ცენზის დაცვით ჩატარდა.
ტურნირში თავი 12-მა გუნდმა მოიყარა, რომლებიც სტანტარტული ფორმატით, 4 ჯგუფში გადანაწილდნენ. ჯგუფის გამარჯვებულმა გუნდებმა ნახევარფინალში გადაინაცვლეს, სადაც Scooby-იმ Bakery 21:14 დაამარცხა, ხოლო TSSU-მ Wings-ს 12:5 მოუგო. ფინალურ შეხვედრაში მეტი ბრძოლა გაჩაღდა. ერთის მხრივ ვეტერანი დავით ბარბაქაძე, დათო დადუნაშვილი, ირაკლი გლუნჩაძე და ლევან შეროზია (Scooby) და მეორეს მხრივ საბა გიქოშვილი, ირაკლი წითელაური, ირაკლი ბეშქენაძე და ლუკა ხარაბაძე (TSSU).
გამარჯვება წინა ტურნირის მსგავსად Scooby-ს დარჩა, რომელმაც საჩემპიონო თასთან ერთად საპრიზო ფონდიდან 900-ლარიანი ვაუჩერი მიიღო. დამარცხებულ TSSU-ს კი 700 ლარი ერგო.
3x3FALL2024-ის მესამე ტურნირი დეკემბრის ბოლომდე გაიმართება, ხოლო საახალწლო პაუზის შემდეგ 3×3 საკალათბურთო სეზონი გაზაფხულიდან გაგრძელდება.
