3×3 საკალათბურთო სეზონი, რომელიც 3x3SPRING2024-ის სერიებით გაიხსნა, აქტიურ ფაზაში შევიდა. შეგახსენებთ, რომ სეზონის გახსნითი ტურნირი 6 მარტს ჩატარდა, ხოლო მომდევნო შეჯიბრს ვერის ბაღის საკალათბურთო დარბაზმა 15 მარტს უმასპინძლა. დღეს 3x3SPRING2024-ის სერიების ფარგლებში მესამე ტურნირი ჩატარდა, რო ამჯერად მორიგი ტურნირი გაიმართა, რომელშიც ასაკობრივი ცენზი 18+ იყო.
ტურნირში სტანდარტულად – 12 გუნდი მონაწილეობდა, რომლებიც 4 ჯგუფში განაწილდნენ. ერთი წრის შემდეგ თითოეული ჯგუფის გამარჯვებული ნახევარფინალში გავიდა: ძალიან დაძაბულ ბრძლაში “ელიტესმა” 19:18 დაამარცხა “ლახვბა”, ხოლო მომავალმა ჩემპიონმა “სკუბიმ” სტუ-სთან ნახევარფინალში გაისეირნა – 20:10.
ვერც ფინნალი გამოდგა დაძაბული, იმდენად დიდი იყო “სკუბის” უპირატესობა “ელიტესის” წინააღმდეგ. დავით დადუნაშვილი 3×3 კალათბურთის გამოცდილი მოთამაშე სარბიელს დაუბრუნდა და აქტივში მორიგი ტურნირის მოგებაც ჩაიწერა. ის, მამუკა ბაზუაშვული, ირაკლი გლუნჩაძე და საბა ლატარია შეუჩერებლები იყვნენ და საბოლოოდ ფინალური მატჩი 20:11 მოიგეს.
ფინალისტები კალათბურთის ფედერაციის 3×3 კალათბურთის დეპარტამენტის ხელმძღვანელმა, გიგა გურგენიძემ დააჯილდოვა. გამარჯვებულებს 900-იანი, ხოლო დამარცხებულებს 700-ლარიანი ვაუჩერი გადაეცათ. 3x3SPRING2024-ის ეგიდით კიდევ 1 ტურნიი ჩატარდება, რის შემდეგაც გვიან გაზაფხულამდე პაუზა გამოცხადდება.
