22 წლის ბექა ბურჯანაძემ „ესტუდიანტესთან“ დღევანდელ მატჩში 20 ქულა მიითვალა, ხოლო მთლიანობაში სარგებლიანობის კოეფიციენტის 23 ერთეულს უწია და ესპანური ლიგის მესვეურთა ყურადღება მიიქცია.
ესპანეთის ჩემპიონატის ოფიციალურმა ვებ-გვერდმა ქართელი ფორვარდის ჩინებულ თამაშს სტატია მიუძღვნა:
“ბურჯანაძემ “ესტუდიანტესის” ძლევაში დიდი წვლილი შეიტანა და ჩინებული სვლა გააგრძელა. ზედიზედ მე-3 მატჩია, ქართველი ლეგიონერის სარგებლიანობის კოეფიციენტი 20-ს აჭარბებს. ამჯერად, ბექამ 7-დან 4 ორქულიანი, 4-დან 3 სამქულიანი და 4-დან 3 საჯარიმო ჩააგდო და 20 ქულა ამგვარად მიითვალა. მისი სარგებლიანობის კოეფიციენტი 23 იყო, წინა ორ ტურში კი აღნიშნული მაჩვენებელი 22-ს უტოლდებოდა. საინტერესოა ისიც, რომ უკანასკნელი 3 ტურის განმავლობაში ბურჯანაძე საშუალოდ 16.3 ქულას აგროვებს და ამასთან, შესაშური სიზუსტით ისვრის: 63.6% ორქულიანებში და 69.2% სამქულიანებში”.
