adjarasport.com-ი საქართველოში წამყვანი სპორტული ონლაინპორტალია, რომლისთვისაც ქართული სპორტის განვითარების ხელშეწყობა უმნიშვნელოვანესი მისიაა. ვებგვერდი აქტიურად აშუქებს საქართველოს სუპერლიგას, ეროვნული ნაკრების გამოსვლებსა და ქართველი ლეგიონერების თამაშს.
პარტნიორობის ფარგლებში, adjarasport.com-ის მომხმარებელი ყოველთვე სუპერლიგის საუკეთესო მოთამაშეს გამოავლენს. mvp.ge-ზე გულშემატკივარს საშუალება ექნება, თვის გამორჩეულ მოთამაშეს ხმა მისცეს და მოთამაშეების დაფასებაში თავისი წვლილი შეიტანოს. ამასთან ერთად, ჩვენს მომხმარებელს საქართველოს ნაკრების ყველა თამაშის შემდეგ, იმავე mvp.ge-ზე თამაშის საუკეთესო მოთამაშის დასახელება შეეძლება. სპორტის სასახლეში, ეროვნული ნაკრების თამაშებზე მისულ გულშემატკივარს კი adjarasport.com-ისგან უამრავი წამახალისებელი გათამაშება ელოდება.
კალათბურთის ფედერაციასთან პარტნიორობის ფარგლებში, adjarasport.com-ს საშუალება ექნება, გულშემატკივრებს ქართულ კალათბურთში მიმდინარე პროცესებზე სიახლეები უფრო სიღრმისეულად მიაწოდოს. შეიქმნება ქართველი კალათბურთელების ვიდეოპორტრეტები, მკითხველი და მაყურებელი ეროვნული ჩემპიონატის მოთამაშეების უკეთ გაცნობას შეძლებს. ამასთან, ურთიერთობის ახალი ეტაპი adjarasport.com-ს შესაძლებლობას აძლევს, ახლოდან დააკვირდეს ბავშვთა კალათბურთში მიმდინარე მოვლენებს და მკითხველსა თუ მაყურებელს ამ მიმართულებით არაერთი ვიდეო თუ ტექსტუალური მასალა შესთავაზოს.
საქართველოს ნაკრები მსოფლიო ჩემპიონატზე გასვლისთვის იბრძვის. 30 ნოემბერსა და 3 დეკემბერს ჩვენმა ბიჭებმა ორი მნიშვნელოვანი დაპირისპირება უნდა გამართონ. ჯერ გასვლაზე ესტონეთს ეთამაშებიან, 3 დეკემბერს კი თბილისის სპორტის სასახლეში ისრაელის ნაკრებს მიიღებენ.
ერთად ვუგულშემატკივროთ ეროვნულ ნაკრებსა და საქართველოში კალათბურთის განვითარებას.
მიყევით ამ ბმულს და შეიძინეთ საქართველო – ისრაელის თამაშის ბილეთი.
