აკაკი დვალიშვილის “ნოვოსიბირსკმა” “ურალს” სძლია და ლიდერობა განიმტკიცა

აკაკი დვალიშვილმა და მისმა „ნოვოსიბირსკმა“ რუსეთის რანგით მეორე ლიგაში მორიგი მატჩი მოიგეს და ლიდერობა განიმტკიცეს. ციმბირელებმა ეკატერინბურგის „ურალს“ უმასპინძლეს და 76:56 დაამარცხეს.
დვალიშვილი ტრადიციულად სათადარიგო იყო და მოედანზე 13:37 წუთი გაატარა. ეს დრო ქართველმა ფორვარდმა შედეგიანად გამოიყენა. აკაკიმ 3-დან 2 ორქულიანი და 3-დან 3 საჯარიმო ჩააგდო. 7 ქულასთან ერთად ქართველ ფორვარდს 4 მოხსნა დაუგროვდა. საუკეთესო კი 18 ქულის მიმთვლელი სერგეი ტოკარევი გახდა.
11 ტურის შემდეგ 10 გამარჯვებით „ნოვოსიბირსკი“ სუპერლიგა 1-ში პირველ ადგილზეა და მომდევნო მატჩს 15 დეკემბერს, სტუმრად იჟევსკის „როდნიკთან“ გამართავს.