ნიდერლანდებისა და ბელგიის გაერთიანებულ საკალათბურთო ლიგაში (BNXT) ალექს მერკვილაძის „დონარ გრონინგენი“ სტუმრად „ოკაპი აალსტთან“ 90:114 დამარცხდა.
ქართველი კალათბურთელი შეხვედრას ძირითადი ხუთეულიდან შეუერთდა და პარკეტზე ერთ-ერთი გამორჩეული იყო. მერკვილაძემ მოედანზე 24 წუთი გაატარა და საკუთარ გუნდს 19 ქულა და 3 მოხსნა შემატა. აღსანიშნავია, რომ ალექსმა 5 პერსონალური შენიშვნა მიიღო და პარკეტის ნაადრევად დატოვება მოუწია.
ოთხი ტურის შემდეგ „გრონინგენს“ ლიგაში 2 მოგება და ამდენივე წაგება აქვს — წარმატებულ სტარტს ზედიზედ ორი მარცხი მოჰყვა. ნიდერლანდური კლუბი მორიგ მატჩს ევროპის ჩრდილოეთის ლიგაში გამართავს და 27 ოქტომბერს შინ „ვოლუნტარს“ უმასპინძლებს, ხოლო BNXT ლიგაში 31 ოქტომბერს „ლეიდენს“ ესტუმრება.
ცალკე აღნიშვნის ღირსია 24 წლის ქართველი ფორვარდის სტაბილურობა — ალექს მერკვილაძე უკვე ზედიზედ მეექვსე ოფიციალური მატჩია, რაც მოედნიდან მინიმუმ 12 ქულით გადის.
