ასპროცენტიანი შერმადინი და პლეი ოფის ზონაში შესული კანტუ

გიორგი შერმადინის კანტუ პლეი ოფისკენ მიიბრძვის. კანტუელებმა იტალიის ჩემპიონატში მორიგი მატჩი მოიგეს და ცხრილში მე-7 ადგილზე გამაგრდნენ. შერმადინის გუნდმა ვანოლის დაძაბლ ბრძოლაში – 79:76 სძლია, ქართველი ცენტრი კი ერთ-ერთი საუკეთესო იყო.
შერმადინი სასტარტო ხუთეულში არ ყოფილა და იმ 17 წუთში, რაც მოედანზე გაატარა, ყველა სროლა ჩააგდო. ქართველმა ცენტრმა 3-დან 3 ორქულიანი და 4-დან 4 საჯარიმო ჩააგდო. 10 ქულასთან ერთად გიორგიმ 5 მოხსნაც მიითვალა და მარგი ქმედების კოეფიციენტით თავისიანთაგან მხოლოდ სტეფანე ჯენტილეს ჩამორჩა.
13 მოგებითა და 14 მარცხით კანტუ საპლეიოფო ზონაში – მეშვიდე ადგილზეა და დარჩენილ 3 ტურში მოწინავე რვეულში ადგილის შენარჩუნება მართებს. მორიგ მატჩს შერმადინის გუნდი რეჯიო ემილიაში 26 აპრილს გამართავს.