საქართველოს ეროვნული ნაკრები ავსტრიაში გაემგზავრა. ქალაქი ობერვარტი, სადაც 29 ივლისს საქართველოსა და ავსტრიის ნაკრებთა ამხანაგური მატჩი გაიმართება, სლოვენიური პოდჩეტრტეკიდან ავტობუსით სამი საათის სავალზეა. ობერვარტში გამგზავრებამდე, ილიას ზუროსმა გუნდი დილის 11:00 საათზე, პოდჩეტრტეკის დარბაზში ავარჯიშა. კალათბურთელებს ძირითადად სათამაშო კომბინაციებზე მოუწიათ მუშაობა. ფიზიკური დატვირთვები არ ყოფილა, გიორგის ვავეცისი ამჯერად მხოლოდ მცირედი მოთელვებით შემოიფარგლა. ქართველი კალათბურთელები ობერვარტში ადგილობრივი დროით 14:00 საათზე გაემგზავრნენ და ავსტრიაში ჩასვლის შემდეგ დაიგეგმება საღამოს ვარჯიში. ეროვნული ნაკრები ავსტრიაში 14 კალათბურთელით გაემგზავრა: გიორგი ცინცაძე, გიორგი გამყრელიძე, მაიკლ დიქსონი, მანუჩარ მარკოიშვილი, ბესო ლეჟავა, დუდა სანაძე, ანატოლი ბოისა, მიხეილ ბერიშვილი, თორნიკე შენგელია, ილია ლონდარიძე, ბექა ბურჯანაძე, ბექა ბექაური, გიორგი შერმადინი და გოგა ბითაძე.
