საქართველოს ეროვნული ნაკრების ფორვარდმა, რომელიც ესპანეთის რანგით მეორე ლიგაში „ლეიმა ბასკეტის“ ღირსებას იცავს, მორიგი შთამბეჭდავი მატჩი ჩაატარა. ლაკორუნიული გუნდი სტუმრად ეთამაშებოდა ცხრილში მეზობელ „ბრეგანს“, რომელიც ქართველი ფორვარდის 26-ქულიანი გარჯის წყალობით დაძაბულ ბრძლაში – 89:84 დაამარცხა.
ბურჯანაძე ლარკორუნიული გუნდის ბომბარდირი გახდა. ქართველმა ფორვარდმა 30 წუთი ითამაშა და 26 ქულა, 8 მოხსნა და 1 პასი მიითვალა. ბექამ 12-დან 7 ორქულიანი, 4-დან 2 სამიანი და 8-დან 6 საჯარიმო ჩააგდო. ბურჯანაძეს კარგად აუბა მხარი სერხიო ოლმოსმა, რომელმაც 23 ქულა და 9 მოხსნა მოაგროვა. ამ 2 კალათბურთელზე გადაიარა „ლეიმა ბასკეტის“ გასვლითმა მატჩმა და მათი ძალისხმევით ლაკორუნიელებმა მნიშვნელოვანი გამარჯვება მიითვალეს.
9 მოგებითა და 10 მარცხით ბურჯანაძის გუნდი მე-10 ადგილზეა და შემდეგი მატჩი 7 თებერვალს, ლა კორუნიაში „პალმა ეარ ეუროპასთან“ ელის.
