ბითაძემ “პარტიზანთან” მატჩი ტრავმის გამო დატოვა

სამწუხარო ამბავი ბალკანეთიდან. ადრიატიკის ლიგის მორიგ ტურში გოგა ბითაძემ ტრავმა მიიღო, თუმცა ამ ეტაპისთის უცნობია, რამდენად სერიოზულია მისი მდგომარეობა. გოგასთვის უიღბლო მომენტი ბელგრადში – “პარტიზანთან” მატჩის დრო მოხდა. 

გოგა ბურთის მოხსნისთვის იბრძოდა, როდესაც დახტომისას ფეხი უხერხულად დადგა და სათადარიგოთა სკამზე კოჭლობით გადაინაცვლა. აღნიშნულ მცირე დროში ბითაძემ 2-დან 1 ორქულიანი გამოიყენა და აქტივში 2 მოხსნაც ჰქონდა. ქართველმა ცენტრმა მხოლოდ 3:22 წუთი ითამაშა და ხსენებული ტრავმის შემდეგ თამაში ვეღარ გააგრძელა.

“ბუდუჩნოსტმა” მატჩი 67:76 წააგო და ახლა 13 მოგებითა და 6 მარცხით ცხრილში 2-3 ადგილებს სწორედ “პარტიზანთან” ინაწილებს. შემდეგ ტურში, 4 მარტს, “ბუდუჩნოსტი” პოდგორიცეში “ხორვატულ “ზადარს” უმასპინძლებს.