ბოისას ხორვატიის ჩემპიონობამდე 1 გამარჯვება აშორებს

ვლადიმერ ბოისას „ზადარმა“ ხორვატიის ჩემპიონატის ფინალური სერიის მეორე მატჩიც მოუგო ზაგრეის „ციბონას, საერთო ანგარიშში 2:0 დაწინაურდა და თუკი კიდევ ერთ შეხვედრას მოიგებს, ჩემპიონი გახდება.
წინა მატჩი ზადარელებმა სტუმრად მოუგეს „ციბონას“, ახლა კი შინ იმარჯვეს – 77:72. მასპინძლებმა თავიდანვე მოიპოვეს საიმედო უპირატესობა, პირველი ტაიმის შემდეგ 15 წულით დაწინაურდნენ და ლიდერობა მატჩის ბოლომდე შეინარჩუნეს.
ვლადიმერ ბოისამ ხუთეულში ითამაშა და მოედანზე 24 წუთი გაატარა. საქართველოს ნაკრების ფორვარდმა 2 ქულა, 2 პასი, 3 მოხსნა და 1 ჩაჭრა მიითვალა.
მომდევნო შეხვედრა 5 ივნისს „ციბონას“ სარბიელზე გაიმართება.