საქართელოს ეროვნული ნაკრების კანდიდატმა, ლუკა ბულაშვილმა მორიგი შედეგიანი მატჩი ჩაატარა ესპანეთში, რანგით მე-4 EBA ლიგის A-B დივიზიონში. 20 წლი ქართველის “კულერედო” სტუმრად “ინოვა ჩეფს” შეხვდა და 4 ქულით – 64:68 დამარცხდა.
ბულაშვილმა 35:44 წუთში 26 ქულა, 6 მოხსნა (3 შეტევაში), 1 პასი და 2 ჩაჭრა მიითვალა. ქართველმა ლეგიონერმა 11-დან 5 ორქულიანი, 7-დან 3 სამქულიანი და 8-დან 7 საჯარიმო ჩააგდო, ბურთი 3-ჯერ დაკარგა, ამდენივე პერსონალური ფოლი მიიღო, მის წინააღმდეგ კი 6-ჯერ დაჯარიმდნენ.
შედეგად, ბულაშვილის სარგებლიანობის კოეფიციენტმა 21-ს უწია, რაც გუნდში საუკეთესო მაჩვენებელი იყო.
“კულერედოს” 8 მოგება და 4 მარცხი მოუგროვდა და სატურნირო ცხრილში მეორე-მეოთხე ადგილებს ინაწილებს, მომდევნო შეხვედრას კი 19 იანვარს, შინ, “ნარონთან” ჩაატარებს.
A-A ლიგაში “ვალე დე ეგუესთან” გასვლითი მატჩი 67:59 მოიგო რატი ანდრონიკაშვილის “მირაფლორესმა”. ქართველი კალათბურთელი მოედანზე 11:46 წუთი იყო და აქტივში 1 მოხსნა და 1 ჩაჭრა ჰქონდა. რატიმ 3 ორქულიანი ააცილა, 2 შეცდომა ჰქონდა, 1 პერსონალური ფოლი მიიღო და მის წინააღმდეგაც ერთხელ დაჯარიმდნენ.
“მირაფლორესი” 7 მოგებითა და 5 მარცხით მე-6 პოზიციაზეა, მომდევნო მატჩი კი 19 იანვარს, შინ, “მონდრაგონთან” ელის.
