ბურჯანაძემ “კორუნას” გამარჯვებაში 10-ქულიანი წვლილი შეიტანა

ესპანეთის საკალათბურთო ჩემპიონატის მეორე ლიგაში მორიგი გამარჯვება მოიპოვა ბექა ბურჯანაძის „კორუნა ბასკეტმა“, რომელმაც „უესკა“ მიიღო და დაძაბულ ბრძოლაში – 77:74 დაამარცხა.
ბურჯანაძე ლაკორუნიელთა სასტარტო ხუთეულში იყო და მოედანზე გატარებულ 24:40 წუთში თავი 10 ქულას, 4 მოხსნას, 2 ჩაჭრას და 1 დაფარებას მოუყარა. ქართველმა ფორვარდმა 5-დან 3 ორქულიანი, 3-დან 1 სამქულიანი და 2-დან 1 საჯარიმო ჩააგდო.
8 მოგებითა და 10 მარცხით ბურჯანაძის გუნდი „ლებ გოლდად“ წოდებულ მეორე დივიზიონში მე-10 ადგილზეა და მომდევნო მატჩს 6 თებერვალს, „ბრეგანთან“ გამართავს.