ბურჯანაძის 14 ქულა “კასტელოსთან” გამარჯვებას არ ეყო

ბექა ბურჯანაძის „ლეიმა ბასკეტს“ კარგი შანსი ჰქონდა, ესპანეთის მეორე ლიგის ცხრილში კიდევ უფრო დაწინაურებულიყო, თუმცა საშინაო მატჩში „კასტელოს“ ვერ აჯობა. ლა კორუნიაში გმრთული მატჩი სტუმართა გამარჯვებით – 83:76 დასრულდა.
ბურჯანაძე სასტარტო ხუთეულში იყო და მოედანზე 22 წუთი გაატარა. ქართველმა ფორვარდმა 8-დან 5 ორქულიანი, 2-დან 1 სამიანი და 2-დან 1 საჯარიმო ჩააგდო. ბექამ საბოლოოდ 14 ქულა, 5 მოხსნა და 1 ჩარა მოაგროვა, ბურთი კი 5-ჯერ დაკარგა. ლაკორუნიელთაგან 16 ქულით და 6 მოხსნით საუკეთესო იყო სერხიო ოლმოსი.
11 მოგებითა და ამდენივე მარცხით „ლეიმა ბაკეტი“ ცხრილში მე-8 ადგილზე იმყოფება. მომდევნო მატჩს „ლეიმა ბასკეტი“ 26 თებერვალს, სტუმრად „ჰუესკასთან“ გამართავს.