ბურჯანაძის 5 ქულა კანარის კუნძულებზე

საქართველოს ახალგაზრდული ნაკრბის წევრმა ესპანეთის უმაღეს ლიგაში 5 ქულა ჩააგდო. 19 წლის ქართველმა ფორვარდმა „კახასოლის“ შემადგენლობაში 7 წუთი ითამაშა და თავი 5 ქულას მოუყარა.
 

 
სევილიურმა კლუბმა შეხვედრა სტუმრად, „კანარიასთან“ გამართა და თანაბარი ბრძოლის ბოლოს – 68:77 დამარცხდა. ახალგაზრდა ქართველმა მოედანზე 6,54 წუთი გაატარა და 2-დან 1 სამიანი და 2-დან 1 ორქულიანი ჩააგდო. 5 ქულასთან ერთად ბურჯანაძემ 1 მოხსნა მიითვალა. საერთო სარგებლიანობის კოეფიციენტის (4) გათვალისწინებით, ბურჯანაძემ თავის გუნდში 6 კალათბურთელს აჯობა.
 
20 ტურის შემდეგ კახასოლელებს 7 გამარჯვება აქვთ და ცხრილში მე-15 ადგილზე იმყოფებიან. მომდევნო ტურში, 17 თებერვალს, „კახასოლი“ სევილიაში „სარაგოსას“ უმასპინძლებს.