ბურჯანაძის 7 ქულა, 11 მოხსნა და იოლი გამარჯვება სტუმრად “ჰუესკასთან”

ბექა ბურჯანაძის „ლეიმა ბასკეტმა“ „ლებ ოროდ“ წოდებულ ესპანეთის რანგით მეორე დივიზიონში მორიგი გამარჯვება მოიპოვა. ლაკორუნიელები სტუმრად „პენიას ჰუესკას“ შეხვდნენ და დამაჯერებელი სხვაობით – 78:64 სძლიეს.
ქართველი ლეგიონერი სასტარტო ხუთეულში იყო და გამარჯვებაში სოლიდური წილი დაიდო. ბურჯანაძე ტრადიციულად სასტარტო ხუთეულში გახლდათ და მოედანზე გატარებულ 27 წუთში 7 ქულა, 11 მოხსნა, 2 პასი და 2 ჩაჭრა მოაგროვა, ბურთი კი 1-ჯერ დაკარგა. ბექამ 6-დან 2 ორქულიანი და 3-დან 1 საჯარიმო ჩააგდო, 1 საჯარიმო კი ააცილა. ლაკორუნიელთაგან საუკეთესო შედეგი გედიმინას ზილემ დააფიქსირა, რომელმაც 22 ქულა მიითვალა.
12 მოგებითა და 11 მარცხით „ლეიმა ბასკეტი“ „კასტელოსა“ და „ბარსელონათან“ (მეორე გუნდი) ერთად ცხრილში 6-8 ადგილებს იყოფს. მომდევნო ტურში, 4 მარტს ბურჯანაძის გუნდი „ხუვენტუდს“ უმასპინძლებს.