საქართველოს ნაკრებმა ევროპის ჩემპიონატზე ყველაზე სუსტი მატჩი ჩაატარა. ეს მოხდა ჩეხეთთან, გუნდთან, რომელსაც ტურნირის დაწყებამდე ფავორიტთა შორის არ მოიხსენიებდნენ თუმცა ჩეხებმა დაამტკიცეს, რომ ჯგუფიდან გასვლის ღირსეული კანდიდატები არიან.
სრული სტატისტიკა: http://live.fibaeurope.com/www/Game.aspx?acc=1&gameID=23822&lng=en
საქართველოს ჩეხეთთან ისე წააგო, რომ წარმატების შანსი არ მისცემია. პირველი მეოთხედის 15:26 წაგების შემდეგ ვითარება კიდევ უფრო გამძაფრდა – ჩეხები ყველა კომპონენტშ ჯობნიდნენ ქართველებს, იქნებოდა ეს შორი სროლები, სწრაფი გარღვევები, თუ ფარქვეშ თამაში.
ჩეხებმა სამწამიანი ზონიდან 60 ქულა მოაგროვეს, რაც ძალიან დიდი უფირატესობაა ფარქვეშ. იან ვესელიმ 14-დან 12 ორქულიანი ჩააგდო და 27 ქულით მატჩის ბომბარდირი გახდა. მისი გამჩერებელი ქართველთა შორის ვერ მოინახა და ეს რთული ასახსნელი არაა . საქართველოს ნაკრების მოთამაშეები ძალიან გადაღლილები იყვნენ – ეს თამაშსაც ეტყობოდა და მატჩის შემდეგაც ყველა ამაზე ლაპარაკობდა.
საქართველოს ნაკრებს ევროპის ჩემპიონატზე ერთი მატჩი დარჩა სათამაშო – იგორ კოკოშკოვის გუნდი ხვალ თბილისის დროით 16:30 საათზე ევროპის მოქმედ ჩემპიონ ესპანეთს ხვდება.
