ჯერემი მესი არის ის კალათბურთელი, რომელიც ლიბანის „ჩემპვილმა“ შეიმატა. მესი ამერიკელია და მიმდინარე სეზონში გერმანული „ბამბერგის“ შემადგენლობაში ევროლიგაში თამაშობდა, 2008-10 წლების სეზონებში კი მადრიდის „რეალის“ ღირსებას იცავდა.
ამასობაში ნიკოლოზ ცქიტიშვილის გუნდმა ლიბანის ჩემპიონატის პლეი ოფში ასპარეზობა დაიწყო. რეგულარულ ჩემპიონატში მე-4-ზე გასული მარიშტერელები მეოთხედფინალში მეხუთეადგილოსან „ამჩიტს“ ხვდებიან. სერიის პირველ მატჩს „ჩემპვილმა“ უმასპინძლა, რომელმაც შეხვედრა 85:78 მოიგო.
მატჩშ მონაწილეობა არ მიუღია ჩემპვილელთა ახალშენაძენ ჯერემი მესის. ნიკა ცქიტიშვილი სასტარტო ხუთეულში იყო და მოედანზე გატარებულ 36 წუთში ორმაგი დუბლი შეასრულა. ქართველმა ფორვარდმა 6-დან 3 ორქულიანი, 5-დან 1 სამიანი და 5-დან 4 საჯარიმო ჩააგდო. 13 ქულას ცქიტიშვილმა 13 მოხსნა, 2 პასი და 1 დაფარება მოაყოლა. მარიშტერელთა ლიდერმა ფადი ხატიბმა 24 ქულა მიითვალა.
„ჩემპვილი“ სერიაში 1:0 დაწინაურდა. მომდევნო შეხვედრა 4 მაისს გაიმართება.
