დანიასთნ მატჩისთვის საქართველოს ნაკრების 12-კაციანი შემადგენლობა ცნობილია

დანიასთნ მატჩისთვის საქართველოს ნაკრების 12-კაციანი შემადგენლობა ცნობილია

საქართველოს ეროვნული ნაკრების 12-კაციანი შემადგენლობა, რომლითაც დღეს დანიას დაუპირისპირდება, ცნობილია. თამაშის წინა დღეს, თბილისი არენაზე ალექსანდარ ჯიკიჩმა გენერალური ვარჯიში ჩაატარა, რის შემდეგაც მის განკარგულებაში არსებული 15 კალათბურთელიდან 12 შეარჩია. 

შეგახსენებთ, რომ საქართველოს ნაკრები ევრობასკეტზე ზედიზედ მეექვსედ გასვლის ზღვარზეა. ჯიკიჩის გაწვრთნილ გუნდს დანიის დამარცხება სჭირდება, რომ ევრობასკეტის საგზური მოიპოვოს. თუკი დანიამ იმარჯვა, ევრობასკეტზე გასასვლელად ბოლო ტურში  სკანდინავიურ დერბიში ფინეთთან მოგება სჭირდება. ასე რომ, დანიელები მოსაგებად ემზადებიან და მათ თავი ოპტიმალურ შემადგენლობას მოუყარეს.

დანიამ 2017 წლის შემდეგ პირველად შეძლო შეივონ შილდსის ნაკრებში ჩამოყვანა. მას ამ ქვეყნის პასპორტი ამ წელს აიღო და ნაკრებში მხოლოდ ერთხელ ითამაშა. ახლა კი, როცა დანიას ევროპასკეტზე გასვლის ისტორიული შანსი აქვს, ყველაფერი გააკეთეს ნატურალიზებული ამერიკელის თბილისში ჩამოსაყვანად.

ალექსანდარ ჯიკიჩის საზრუნავიც სწორედ შილდსის და კიდევ ერთი ევროვარსკვლავის, იფე ლუნდბერგის განეიტრალება იქნება, ამ 2 კალათბურთელზე ძალიან ბერი რამე იქნება დამოკიდებული. 

შეგახსენებთ, რომ ბილეთების ონლაინ-გაყიდვა TKT.GE-ზე მიმდინარეობს.