დიქსონის აეკ-ი ჩემპიონთა ლიგას გამოეთიშა

საქართელოს ეროვნული ნაკრების ნატურალიზებული ამერიკელი გამთამაშებელი, მაიკლ დიქსონი ჩემპიონთა ლიგას გამოეთიშა. მისი გუნდი, ათენის აეკ-ი აღნიშნულ ტურნირს მერვედფინალურ სტადიაზე გამოეთიშა. 
შეგახსენებთ, რომ ბერძნულმა კლუბმა ფრანგულ “მონაკოს” შინ 69:68 სძლია, სტუმრად კი, 87:95 წააგო. დიქსონი სასტარტო ხუთეულში იყო და 23:43 წუთში 14 ქულა, 2 მოხსნა და 3 პასი მოაგროვა. დიქსონმა 8-დან 3 ორქულიანი, 4-დან 2 სამქულიანი და 2-ვე საჯარიმო ჩააგდო, ბურთი 2-ჯერ დაკარგა და 2 პერსონალური ფოლი მიიღო. საინტერესოა, რომ დიქსონის მოედანზე ყოფნის პერიოდში აეკ-მა მეტოქეზე 3 ქულით მეტი ჩააგდო და ეს, სტუმართა რიგებში საუკეთესო მაჩვენებელი იყო.