დიქსონის წინამძღოლობით აეკ-მა მე-3 ადგილისკენ პირველი ნაბიჯი გადადგა

საქართელოს ნაკრების ნატურალიზებულმა ამერიკელმა კალათბირთელმა, მაიკლ დიქსონის აეკ-მა საბერძნეთის ჩემპიონატის მე-3 ადგილისთვის სერიაში პირველი მატჩი ჩაატარა და ვიქტორ სანიკიძის “არისს” 90:74 სძლია.
დიქსონმა მოედანზე 28:50 წუთი გაატარა და ორმაგ დუბლამდე 1 პასი დააკლდა. მაიკლმა 7-დან 3 ორქულიანი და 7-დან 5 საჯარიმო ჩააგდო, 4 სამქულიანი ააცილა და 11 ქულას 9 პასი, 1 მოხსნა და 1 ჩაჭრა წაამატა.მაიკლს ერთხელ დაუფარეს, ბურთი 2-ჯერ დაკარგა, 2 პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.
ათენელთაგან საუკეთესო ბოსნიელი მილან მილოშევიჩი იყო 16 ქულითა და 12 მოხსნით, “არისს” კი ასევე ორმაგი დუბლით (17 ქულა, 11 მოხსნა) სერბმა ვლადიმირ იანკოვიცმა ულიდერა, რომელიც გუნდში ტრავმირებული სანიკიძის შემცვლელად მიიყვანეს.
სალონიკელები განმეორებით მატჩს 31 მაისს უმასპინძლებენ.