დვალიშვილს ფინალში გასვლა გადაედო

აკაკი დვალიშვილის „ნოვოსიბირსკს“ მცირედი დააკლდა, რომ რუსეთის სუპერლიგის ფინალში გასულიტყო. ციმბირულმა გუნდმა ნახევარფინალური სერიის მე-4 მატჩი სტუმრად 59:60 წააგო „ირკუტსკთან“, თუმცა ფინალში გასვლის რეალური შანსი მაინც დარჩა.
ირკუტსკელებმა ამ მოგებით სერიაში ანგარიში გაათანაბრეს – 2:2. გადამწყვეტი შეხვედრა კი ნოვოსიბირსკშია 19 აპრილს დანიშნული. ქართველმა ფორვარდმა სერიის მე-4 შეხვედრაში 2:04 წუთი ითამაშა. ამ მცირე დროში დვალიშვილმა 1 მოხსნა მიითვალა და ერთხელაც დაჯარიმდა.
„ნოვოსიბირსკი“ ფინალში გასვლის შემთხვევაში ჩემპიონობისთვის „უნივერსიტეტ-იუგრას“ შეხვდება.