ევრომედია: გიორგი შერმადინი კარიერას ესპანეთის უმაღლესლიგელ ანდორაში გააგრძელებს

საქართელოს ეროვნული ნაკრების ცენტრი, 216 სანტიმეტრი სიმაღლის გიორგი შერმადინი გავრცელებული ინფორმაციით კარიერას ანდორაში გააგრძელებს. ანდორა ჯუჯა-სახელმწიფოა და 1 გუნდი ჰყავს, რომელიც ესპანეთის უმაღლეს დივიზიონში ასპარეზობს.  
ქართველი ცენტრის ანდორაში გადასვლას ოფიციალურად ჯერ არ ადასტურებენ, თუმცა ინფორმაციას ავრცელებს ცნობილი საკალათბურთო პორტალი eurobasket.com. შერმადინმა გასული სეზონი იტალიის უმაღლესლიგელ კანტუში გაატარა, სადაც 29 მატჩში მიიღო მონაწილეობა და საშუალოდ 7.5 ქულასა და 4.8 მოხსნას აგროვებდა.
შერმადინს ესპანეთის უმაღლეს ლიგაში 2013-14 წელს უთამაშია, როცა სარაგოსას ღირსებას იცავდა. რაც შეეხება ანდორას, ამ კლუბმა გასულ სეზონში 34 მატჩიდან 12 მოიგო და მე-14-ე ადგილი დაიკავა.